Lou fourt
de la VIERO servio pre lou mounde de li quartiers de la Viero é
dou Chastelet.
Ni avio tres aoutres : un as Fourannes, un ou Vierar é un ou
Raous.
De la
primo à l'outuegn, fasian na fourna pre mes. A la fin dou mes
de Nouvembre, chisque famillo fasio doues ou tres fournas pre aver prou
de pan duran l'hivert, l'ero lou Charendar.
Coumo
fasian ? Les familles se reunissioun na desmenjo apres-mijour. Bitaven
dens un chapel itan de numeros que de familles é chiscun tiravo
un numero que li disio quan l'ero soun tour.
Lou noumero ün eichoudavo lou fourt embe les esteles que chisque
famillo avio pourtas, fasio sa fourna é, apres, lou noumero dui
dounavo encaro un cop d'eichaoudo dran que de couire soun pan, é
coum' aquo l'un apres l'aoutre.
Les boches de pasto preparas à mijoun eroun pourtas ou fourt
su des Panieres (planches de bouesc de tres ou quatre metres de lonc)
qu'eroun pousas su les Banches fichas den la muraillo.
Quan lou fourt ero chaoud, ero nettia embe lou Penaïl é
les boches de pasto eroun enfournas embe de longes pares de bouesc,
coumo fan li boulangiers.
Li pans
cuechs eroun pourtas à mijoun den de civieres é bitas
soignosoment den la chambro dou pan pre que se garden ben.
Les inoundassiouns
de 1957 an destruch li biars que menavoun l'aïgo à li mourins
dou Raous. Plus jes de mourin, plus jes de farino ! La ser a plus esta
cultiva é li mourins se soun endurmis. Lou fourt de la Viero
serv encaro dui ou tres viages pre an, duran l'ista, pre la festo dou
pan.